اسلام آباد(ویب ڈیسک) انسان کے لیے لباس کے بغیر رہنا موجودہ زمانے میں ممکن نہیں لیکن اس کی خریداری کے لیے پاکستانیوں کی ترجیحات کیا ہوتی ہیں، اس کا جواب گیلپ اینڈ گیلانی کے تازہ سروے میں سامنےآگیا ہے۔

گیلپ اینڈ گیلانی پاکستان کے تازہ سروے میں ملک بھر میں بالغ مردوں اور خواتین کے ایک سیمپل سے سوال کیاگیا تھا کہ آپ کپڑے خریدتے ہیں تو آپ کی ترجیح کیا ہوتی ہے؟اس کے جواب میں پتہ چلا کہ پاکستانی کپڑے خریدتے وقت قیمت کو معیار اور برانڈ سے زیادہ ترجیح دیتے ہیں، 60فیصد لوگوں نے قیمت، 25فیصد نے کوالٹی، چھ ، چھ فیصد نے برانڈ اور جدید فیشن کو بنیاد بنایا جبکہ تین فیصد نے کوئی جواب نہیں دیا یا پھر کسی ترجیح کانہیں بتاسکے۔

سروے نتائج کے مطابق ہر 5میں 3(60فیصد)پاکستانی کپڑوں کی خریداری کے وقت قیمت کو سب سے اہم سمجھتے ہیں جو کہ ملک بھر کی اولین ترجیح رہی، اس کے برعکس، صرف چار میں سے ایک پاکستانی (پچیس فیصد) نے معیار کو اہمیت دینے کے حوالے سے بتایا، جبکہ ہر چھ فیصد پاکستانی برانڈ یا نئے فیشن کو ترجیح دیتے ہیں، قیمت کی ترجیح بھی شہری کی نسبت دیہاتی علاقوں کے مکینوں میں زیادہ یعنی 64فیصد اور 61فیصد خواتین میں دیکھی گئی۔