لاہور ( ڈیلی پاکستان آن لائن )مسلم لیگ (ن) کے صدر اور سابق وزیراعظم نواز شریف سے سابق وزیراعلیٰ بلوچستان ڈاکٹر عبدالمالک بلوچ نے ملاقات کی ہے۔
"جنگ " کے مطابق جاتی امرا ءلاہور میں ہونے والی ملاقات میں نواز شریف نے ڈاکٹر عبدالمالک بلوچ کو بلوچستان میں اپنا سیاسی کردار ادا کرنے کی یقین دہانی کرادی۔دونوں قائدین نے مجموعی ملکی صورتحال اور بلوچستان سے متعلق امور پر تفصیلی تبادلۂ خیال کیا۔دوران گفتگو ڈاکٹر عبدالمالک بلوچ نے مہنگائی کی رفتار اور بجلی کی قیمتوں میں کمی کرنے پر ّن) لیگی صدر کو مبارک باد دی۔
2025-04-10