کراچی (آئی این پی ) معروف صحافی محمد طلحہ ملک پر قاتلانہ حملہ ہوا ہے جس میں وہ محفوظ رہے لیکن حملہ آوروں کے شدید تشدد کے باعث ان کی ٹانگ ٹوٹ گئی۔

ذرائع کے مطابق حملہ آور شاہد کمال ملک کے بھائی ہیں، جو ایک سیاسی جماعت کی حمایت کی وجہ سے ملک چھوڑ چکے ہیں۔حملہ آوروں نے محمد طلحہ ملک کو بے دردی سے مارا پیٹا اور ان کی ٹانگ توڑ دی، جس کے بعد انہیں فوری طور پر طبی امداد دی گئی۔ حملے کے بعد محمد طلحہ ملک کو مسلسل دھمکیاں بھی دی جا رہی ہیں، جو ان کی زندگی کے لیے سنگین خطرہ بن چکی ہیں۔ اس واقعے نے صحافتی برادری کو شدید دھچکہ پہنچایا ہے اور ملک بھر میں صحافتی آزادی کے تحفظ کے حوالے سے گہری تشویش کی لہر دوڑادی ہے۔