اسلام آباد (ویب ڈیسک) رہنما پی ٹی آئی شیر افضل مروت نے خدشہ ظاہر کیا ہےکہ پیر کے روز 190ملین پاؤنڈ کیس میں بانی پی ٹی آئی عمران خان کو 14سال قید کی سزا سنائی جاسکتی ہے۔

نجی ٹی وی جیو نیوز کے پروگرام میں بات کرتے ہوئے شیر افضل مروت نے کہا کہ عمران خان کو 190ملین پاؤنڈ کیس میں 14سال قید کی سزا سنائی جاسکتی ہے۔شیر افضل مروت نے کہا کہ مذاکرات کو منطقی انجام تک پہنچانا چاہیے، ہمارے حقوق متاثر ہوئے ہیں، ہم مطالبات تو کرتے رہے ہیں، مطالبات پر تو آپ پابندی نہیں لگاسکتے۔

ان کا کہنا تھا کہ سب سے سنگین مسئلہ یہ ہےکہ کسی حکومتی ادارے پر اس طرح کی پابندی لگی، ہم پاکستان کی سالمیت، بقا اور ترقی کے لیے ایک ہیں، ہم مطالبہ کرتے ہیں کہ اس طرح کی پابندیوں کو ہٹایا جائے۔