اسلام آباد(ڈیلی پاکستان آن لائن)سپریم کورٹ آئینی بنچ نے سابق جج مظاہر علی اکبر نقوی کی جوڈیشل کونسل کیخلاف درخواست عدم پیروی پر خارج کردی۔
نجی ٹی وی چینل جیو نیوز کے مطابق سپریم کورٹ میں سابق جج مظاہر علی اکبر نقوی کی جوڈیشل کونسل کیخلاف درخواست پر سماعت ہوئی،جسٹس امین الدین خان کی سربراہی میں سات رکنی آئینی بنچ نے سماعت کی،وکیل سعد ہاشمی نے کہاکہ میرا مظاہر علی اکبر نقوی سے رابطہ نہیں ہوسکا،عدالت موکل سے رابطہ اور ہدایات کیلئے مہلت دے دے،جسٹس محمد علی مظہر نے کہاکہ آپ شوکاز نوٹس کیخلاف آئے ہیں کونسل کا تو فیصلہ آچکا ہے۔
آئینی بنچ نے مظاہر علی اکبر نقوی کی شوکاز نوٹس کیخلاف درخواست خارج کر دی،آئینی عدالت نے شوکاز نوٹس کیخلاف عدم پیروی پر درخواست خارج کی۔
2024-12-11