نیویارک (ویب ڈیسک) ایپل کی جانب سے آئی فون ایس ای 4 کی تیاری کے حوالے سے کافی عرصے سے رپورٹس سامنے آرہی ہیں، اب ایک نئی لیک میں بتایا گیا کہ ایپل کا سستا ترین آئی فون کب متعارف کرایا جاسکتا ہے۔لیک کے مطابق آئی فون ایس ای 4 کو 2025 کی اولین سہ ماہی کے دوران متعارف کرایا جائے گا۔

جیو نیوز کے مطابق ابھی آئی فون ایس ای (2022) اس کمپنی کا سستا ترین فون ہے، جو 429 ڈالرز میں فروخت کیا جا رہا ہے۔آئی فون ایس ای (2022) کی جگہ لینے والے نئے آئی فون کا ڈیزائن بھی پہلے سے مختلف ہونے کا امکان ہے۔

اسی طرح گزشتہ ماڈل کے مقابلے میں اس کا ڈسپلے بڑا ہوگا اور فون میں 6.06 انچ کی اسکرین دیے جانے کا امکان ہے۔