لاہور (ڈیلی پاکستان آن لائن) رہنما تحریک انصاف فیصل چودھری کا کہنا ہے قاسم اور سلیمان امن پسند اور قوانین کی پاسداری کرنے والے ہیں۔ شرپسند لوگ تو کابینہ میں بیٹھے ہیں جو ان کی آمد کا سن کر ہی پرتشدد بیانات دے رہے ہیں۔ یہ لوگ بانی پی ٹی آئی کی فیملی اور بچوں سے خوف زدہ ہیں۔ دنیا نیوز کے پروگرام آن دی فرنٹ ود کامران شاہد میں گفتگو کرتے ہوئے فیصل چودھری نے مزید کہا ان میں اخلاقی جرات ہونی چاہئے کہ اگر قاسم اورسلیمان اپنے والد سے ملنا چاہتے ہیں تو ویلکم کریں نہ کہ گرفتاری اور پرتشدد بیانات دیں۔