لاہور (ڈیلی پاکستان آن لائن) تجزیہ کار عثمان مجیب شامی کا کہنا ہے کہ نظریہ ضروری نہیں بلکہ نتیجہ ضروری ہے، جس ہائبرڈ نظام کی باتیں ہو رہی ہیں وہ ڈیلیور کر رہا ہے، پاکستان میں کوئی نظام چل سکتا ہے تو ایسا ہی نظام چل سکتا ہے جس میں تھرڈ فورس کا چیک اینڈ بیلنس کا نظام موجود ہو، سیاستدانوں کا ٹریک ریکارڈ خراب ہے ، اس لیے انہیں مکمل اختیار نہیں دیا جاسکتا۔

نجی ٹی وی دنیا نیوز کے پروگرام "تھنک ٹینک" میں گفتگو کرتے ہوئے عثمان مجیب شامی نے کہا کہ ہمیں کسی ایک نظام سے بندھ نہیں جانا چاہیے کہ یہ کوئی بری چیز ہے۔ آج کل ہائبرڈ کی بات ہو رہی ہے لیکن موجودہ نظام سے میکرواکنامک لیول پر بہتری آئی ہے، علاقائی اور عالمی سفارتکاری میں کامیابیاں مل رہی ہیں۔