ڈیرہ اسماعیل خان (ویب ڈیسک) ضلع لکی مروت میں جرگے کے دوران فائرنگ سے 2 افراد جاں بحق اور 3 زخمی ہوگئے۔

ضلع لکی کی تحصیل سرائے نورنگ میں گنڈی چوک پر شمالی وزیرستان سے تعلق رکھنے والے 2 فریقین کے درمیان ہونے والے جرگہ کے دوران فائرنگ سے 2 افراد جاں بحق اور 3 زخمی ہو گئے۔"ایکسپریس نیوز" کے مطابق پولیس نے بتایا کہ جاں بحق افراد میں سب انسپکٹر رضوان اللہ وزیر تحصیل دوسلی اور خطاب اللہ شامل ہیں۔

فائرنگ سے زخمی ہونے والوں میں اقبال، عرفان اللہ اور محمد انور شامل ہیں۔اقبال وزیر کو تحصیل ہیڈکوارٹر ہسپتال نورنگ میں ابتدائی طبی امداد کے بعد بنوں منتقل کردیا گیا ہے اور ذرائع کے مطابق زخمی اقبال وزیر مقتول خطاب اللہ کے بھائی ہیں۔