سورس: Wikimedia Commons

لندن (ڈیلی پاکستان آن لائن) برطانیہ میں ایک شخص پر الزام ہے کہ اس نے ایک اصطبل میں گھس کر پونی گھوڑی کے ساتھ جنسی زیادتی کی ہے۔

دی سن اخبار کے مطابق ڈیمین اوجیئر پر الزام ہے کہ اس نے ولٹ شائر کے علاقے ٹروبرج میں ایک فارم میں داخل ہو کر مادہ پونی کو زیادتی کا نشانہ بنایا۔ 43 سالہ ملزم سالسبری کراؤن کورٹ میں پیش ہوا جہاں اس پر زندہ جانور کے ساتھ جنسی تعلق کا ایک الزام عائد کیا گیا۔ ملزم پر یہ بھی الزام ہے کہ اس نے جان بوجھ کر ایک احاطے میں جنسی جرم کی نیت سے غیر قانونی طور پر داخلہ کیا۔

ملزم نے عدالت میں اپنے جرم کی صفائی پیش کرنی تھی لیکن کیس کو ملتوی کر دیا گیا۔ عدالت کو بتایا گیا کہ اوجیئر مبینہ طور پر 24 جنوری 2023 کو فارم میں گھسا تھا۔ اس پر الزام ہے کہ وہ ایک ایسے اصطبل میں داخل ہوا جس میں دو شیٹ لینڈ پونی موجود تھیں اور اس نے مادہ پونی، جس کا نام کیسیوپیا وولی ہے، کو نشانہ بنایا۔ عدالت میں ملزم کی شناخت کا عمل مکمل کرنے کے بعد مزید سماعت 27 فروری تک ملتوی کردی گئی۔