دبئی ( ڈیلی پاکستان آن لائن )انٹرنیشنل کرکٹ کونسل (آئی سی سی) کی بورڈ میٹنگ آج دبئی میں ہو گی۔
پاکستان کرکٹ بورڈ (پی سی بی) کے چیئرمین محسن نقوی صبح سویرے کراچی سے دبئی پہنچ گئے۔آئی سی سی چیئرمین کا عہدہ سنبھالنے کے بعد جے شاہ کے اعزاز میں استقبالہ دیا جائے گا۔
آئی سی سی میٹنگ میں پاکستان میں ہونے والی چیمپئنز ٹرافی پر بھی گفتگو ہوسکتی ہے۔چیمپئنز ٹرافی کے لئے براڈ کاسٹرز اور پروڈکشن ورکشاپ بھی آج دبئی میں منعقد ہو گی۔
آئی سی سی بورڈ میٹنگ میں چیمپئنز ٹرافی کے انعقاد سے متعلق اہم فیصلہ کا امکان ہے۔
واضح رہے کہ چیئرمین پی سی بی محسن نقوی اصولی موقف پر قائم ہیں اور پارٹنرشپ فارمولا پیش کر چکے ہیں۔
2024-12-05