ملتان (ڈیلی پاکستان آن لائن )ملتان ٹیسٹ کے دوسرے روز 6 وکٹ کے نقصان کے ساتھ انگلینڈ کے خلاف پاکستان کی بیٹنگ جاری ہے۔

گزشتہ روز ملتان کرکٹ سٹیڈیم میں کھیلے جا رہے میچ میں قومی ٹیم کے کپتان شان مسعود نے ٹاس جیت کر پہلے بیٹنگ کا فیصلہ کیا تھا۔

میچ کے پہلے دن کے اختتام پر پاکستان نے شان مسعود اور عبداللہ شفیق کی شاندار سنچریوں کی بدولت 4 وکٹ کے نقصان پر 328 رنز بنالئے تھے۔

میچ کے دوسرے روز سعود شکیل اور نسیم شاہ نے کھیل کا آغاز کیا تو نسیم شاہ 388 کے سکور پر 33 رنز بناکر پویلین لوٹ گئے جبکہ ان کے بعد آنے والے محمد رضوان بغیر کوئی رن بنائے آو¿ٹ ہوگئے۔

پاکستان کے 393 رنز پر 6 کھلاڑی آو¿ٹ ہوگئے، اس وقت کریز پر سلمان آغا اور سعود شکیل موجود ہیں۔