سورس: Instagram/rozlynkhan

ممبئی (ویب ڈیسک) بھارتی اداکارہ روزلین خان نے حال ہی میں پولیس تھانے میں اپنی رہائشی عمارت کے پڑوسیوں کے خلاف شکایت درج کروا دی۔

اے آر وائی نیوز نے بھارتی میڈیا کے حوالے سے بتایا کہ روزلین خان نے اوشیوارا پولیس سٹیشن میں درج شکایت میں پڑوسیوں پر ہراساں کیے جانے اور املاک کو نقصان پہنچانے کا الزام لگایا۔حال ہی میں دیے گئے ایک انٹرویو میں ان کا کہنا تھا کہ مجھے کچھ مہینوں سے پڑوسی ہراساں کر رہے ہیں، جس سوسائٹی میں میں رہائش پذیر ہوں وہاں دو گروہ ہیں جن میں سے ایک نادہندہ اور دوسرا مخلص ہے، دونوں گروپس مجھے اپنی طرف کرنا چاہیے ہیں لیکن میں کسی گروپ کا حصہ نہیں بننا چاہتی۔

انہوں نے بتایا کہ عمارت میں تزئین و آرائش کے کاموں کے دوران میری دو گاڑیوں کو نقصان پہنچایا گیا، جب اس کے بارے میں ایکس پر لکھا تو پولیس کی جانب سے صرف ایک پیغام موصول ہوا اور کچھ نہیں۔