نئی دہلی (ڈیلی پاکستان آن لائن)سکول کے ٹیچرز اور پرنسپل سے مار کھانا آج اس ماضی کی یاد دلاتا ہے۔انہی پرانی یادوں کو سکول کے پرنسپل اور پرانے شاگردوں نے ایک بار پھر دہرایا جس کی ویڈیو سوشل میڈیا پر وائرل ہوگئی۔

بھارتی میڈیا کے مطابق سکول کے سابق شاگردوں نے سکول کے پرنسپل کے ساتھ طویل عرصے بعد ’ری یونین‘ (دوبارہ ملنے) کا فیصلہ کیا۔مگر ان کا دوبارہ ملنے کا عمل کچھ منفرد انداز میں ہوا۔ وائرل ویڈیو میں دیکھا جا سکتا ہے کہ اسکول کا پرنسپل سیڑھیوں پر ہاتھ میں سٹک لیئے کھڑا ہے، اور پرانے شاگرد ایک کے بعد ایک کر کے پرنسپل کے قریب آتے گئے اور سٹک سے پٹائی کھاتے گئے۔

مذکورہ ویڈیو کرشنا نامی ایکس صارف کی جانب سے شئیر کی گئی۔ویڈیو میں دیکھا گیا کہ سابق شاگردوں نے باقاعدہ سکول یونیفارم بھی پہنا ہوا ہے جس نے اس ری یونین کو یادگار بنا دیا۔ ویڈیو کو 6 لاکھ سے زائد افراد دیکھ چکے ہیں۔